Malta hija lesta tieħu ċ-ċentru tal-palk aktar tard dan ix-xahar hekk kif Sunset Boulevard: Il-Musical jittella’ għall-ewwel darba f’pajjiżna. Din il-produzzjoni storika timmarka mument importanti fix-xena teatrali Maltija, billi ġġib wieħed mill-aktar musicals ċelebrati fid-dinja quddiem l-udjenzi lokali fi produzzjoni li bħalissa qed tittella’ fl-Ewropa esklussivament f’Malta.
Kapulavur grandjuż u li jqanqal emozzjonijiet profondi mmexxi minn Hermann Bonaci, Direzzjoni Mużikali minn Joe Brown u koreografija minn Sue Vassallo, Sunset Boulevard jirrakkonta l-istorja li ma tintesiex tal-istilla tal-films, Norma Desmond, u l-ħolma ddisprata tagħha li terġa’ lura trijonfanti għad-dawl tal-palk. Ir-rakkont drammatiku u kanzunetti ikonici bħal “With One Look” u “As If We Never Said Goodbye,” dan il-musical ħakem lill-udjenzi madwar id-dinja kollha.
Din il-premiere Maltija toffri lill-maħbubin tat-teatru opportunità rari biex jesperjenzaw il-kobor u l-intensità emozzjonali ta’ dan is-suċċess internazzjonali mingħajr ma jitilqu mill-gżira. Bi produzzjoni fuq skala sħiħa, viżwali mill-isbaħ u orkestru live b’saħħtu, l-ispettaklu jwiegħed esperjenza teatrali ta’ livell dinji.
Din il-produzzjoni tqiegħed lil Malta b’mod ċar fuq il-mappa kulturali Ewropea, billi tospita l-unika produzzjoni ta’ dan il-musical li bħalissa qed tittella’ fl-Ewropa.
Sunset Boulevard se jkollu lil Talitha Dimech bħala Norma Desmond, Cliff Zammit Stevens bħala Joe Gillis, Neville Refalo bħala Max Von Mayerling u Eleanor Spiteri bħala Betty Schaefer, fost oħrajn.
Din il-prouzzjoni se tittela’ fl-20, 21, 22 ta’ Marzu 2026 fil-Mediterranean Conference Centre, Valletta.
Biljetti jistgħu jinkisbu minn www.showshappening.com
