George Russell kiseb l-aħjar ħin fil-Provi Uffiċjali għall-ewwel Grand Prix tal-istaġun wara li kiseb l-aħjar ħin fiċ-ċirkwit ta’ Albert Park fl-Awstralja. Il-Britanniku kien l-aħjar fiż-żewġ fażijiet ta’ kwalifikazzjoni u l-ħin li għamel kmieni fl-aħħar fażi kien biżżejjed biex għeleb l-isfida tal-eqreb rivali tiegħu.
Il-ġurnata ta’ Mercedes ma setgħetx kienet aħjar. Is-sewwieq l-ieħor Kimi Antonelli kklassifika fit-tieni post wara li rkupra fil-ħin wara inċident fit-tielet sessjoni ta’ prattika ftit sigħat qabel. Riżultat pożittiv ukoll għal Isack Hadjar fid-debutt ma’ Red Bull bit-tielet post. Hu se jkun akkumpanjat fit-tieni filliera mis-sewwieq ta’ Ferrari Charles Leclerc.
Probabbilment l-aħbar tal-ġurnata daret madwar Max Verstappen. Is-sewwieq Olandiż ta’ Red Bull se jkollu jibda l-ewwel tellieqa tal-kampjonat mill-aħħar postijiet wara li ma għamilx ħin fl-ewwel fażi, kawża ta’ inċident fl-ewwel kantuniera taċ-ċirkwit.
Sessjoni kwieta għal McLaren biż-żewġ sewwieqa se jibdew it-tnejn fit-tielet filliera. Oscar Piastri se jibda mill-ħames post fit-tellieqa ta’ pajjiżu filwaqt li r-rebbieħ tal-istaġun li għadda Lando Norris ftit spikka u kellu jikkuntenta bis-sitt post.
Ftit wara Norris, ikklassifika l-veteran Lewis Hamilton segwit mis-sewwieqa ta’ Racing Bulls Liam Lawson u d-debuttant Arvid Lindblad. Gabriel Bortoleto impressjona u kkwalifika għall-aħħar fażi madankollu ma għamilx ħin minħabba kwistjoni teknika.
Is-sewwieqa ta’ Haas u Alpine sfaw eliminati fit-tieni fażi tal-provi uffiċjali filwaqt li s-sewwieqa Sergio Perez u Valtteri Bottas tad-debuttanti Cadillac kienu eliminati fl-ewwel fażi. Minbarra Verstappen, Carlos Sainz ta’ Williams u Lance Stroll ta’ Aston Martin ukoll ma għamlux ħin u se jibdew mill-aħħar postijiet. Il-Grand Prix tal-Awstralja tibda għada fil-5.00pm.
Sewwieq Tim Q1 Q2 Q3
1. George Russell Mercedes 1:19.507 1:18.934 1:18.518
2. Kimi Antonelli Mercedes 1:20.120 1:19.435 1:18.811
3. Isack Hadjar Red Bull 1:20.023 1:19.653 1:19.303
4. Charles Leclerc Ferrari 1:20.226 1:19.357 1:19.327
5. Oscar Piastri McLaren 1:19.664 1:19.525 1:19.380
6. Lando Norris McLaren 1:20.010 1:19.882 1:19.475
7. Lewis Hamilton Ferrari 1:19.811 1:19.921 1:19.478
8. Liam Lawson Racing Bulls 1:20.491 1:20.144 1:19.994
9. Arvid Lindblad Racing Bulls 1:20.409 1:19.971 1:21.247
10. Gabriel Bortoleto Audi 1:20.495 1:20.221 Bla ħin
Eliminati fit-Tieni Fażi
11. Nico Hulkenberg Audi 1:21.024 1:20.303
12. Oliver Bearman Haas 1:21.247 1:20.311
13. Esteban Ocon Haas 1:20.759 1:20.491
14. Pierre Gasly Alpine 1:21.138 1:20.501
15. Alexander Albon Williams 1:21.051 1:20.941
16. Franco Colapinto Alpine 1:21.200 1:21.270
Eliminati fl-Ewwel Fażi
17. Fernando Alonso Aston Martin 1:21.969
18. Sergio Perez Cadillac 1:22.605
19. Valtteri Bottas Cadillac 1:23.244
20. Max Verstappen Red Bull Bla ħin
21. Carlos Sainz Williams Bla ħin
22. Lance Stroll Aston Martin Bla ħin
