Il-Messiku kiser rekord dinji tal-Guinness meta organizza dik li kienet l-akbar klassi ta’ lezzjoni tal-futbol fid-dinja b’nies jipparteċipaw ilkoll fiha, ftit xhur qabel ma jospita t-Tazza tad-Dinja tal-FIFA għat-tielet darba.
F’Pjazza Zocalo, fil-belt kapitali, 9,500 persuna ħadu sehem f’din il-lezzjoni ta’ 35 minuta, ikkonfermata mir-referi tal-Guinness Alfredo Arista. Il-lezzjoni tmexxiet mis-Sindku ta’ Mexico City, Clara Brugada u s-Segretarju tat-Turiżmu tal-pajjiż, Josefina Rodriguez, flimkien ma’ eks plejers bħal Oscar “Conejo” Perez u Francisco “Kikin” Fonseca.
Il-pjazza nbidlet f’kamp kbir tal-futbol, b’kulħadd liebes il-kuluri tal-bandiera Messikana u l-motto “The ball is coming home”.
L-avveniment, li enfasizza wkoll l-inklużjoni tan-nisa, ġie milqugħ b’entużjażmu kbir hekk kif il-Messiku jħejji biex jospita t-Tazza tad-Dinja 2026 flimkien mal-Istati Uniti u l-Kanada.
