Iżrael waqqfet lill-Kardinal Pierbattista Pizzaballa milli jidħol fil-Knisja dedikata lis-Santu Sepulkru f’Ġerusalemm f’Ħadd il-Palm.
Skont uffiċjali tal-knisja, il-pulizija Iżraeljana waqqfu lil Pizzaballa u kleru ieħor waqt li kienu sejrin biex jiċċelebraw il-Quddiesa. Il-grupp qal li ż-żjara kienet privata u ma kellhiex laqgħa pubblika. Madankollu, l-awtoritajiet semmew raġunijiet ta’ sigurtà marbuta mal-kunflitt kontinwu u r-restrizzjonijiet fuq laqgħat kbar.
Il-Prim Ministru Iżraeljan Benjamin Netanyahu qal li ma kien hemm l-ebda intenzjoni ħażina u li d-deċiżjoni ttieħdet biex tiġi żgurata s-sigurtà. Żied jgħid li qed jiġi mħejji pjan li se jippermetti ċelebrazzjonijiet reliġjużi fil-jiem li ġejjin.
Il-Prim Ministru Taljan Giorgia Meloni rreferiet għas-sitwazzjoni bħala offiża għall-fidili, filwaqt li l-President Franċiż Emmanuel Macron ukoll ikkritika l-mossa.
Pizzaballa ddeskriva s-sitwazzjoni bħala riżultat nuqqas ta’ fehim u appella għar-rispett, għat-talb u d-djalogu.
