Raġel ta’ 29 sena residenti San Ġiljan, indarab wara li għal xi raġuni mhux magħrufa waqa’ bil-mutur tiegħu tal-għamla Kymco.
L-inċident seħħ għall-ħabta tas-1:00 pm fi Vjal Santa Luċija, fil-Marsa.
Fil-post issejħu l-Pulizija flimkien ma’ ambulanza li ħadet lir-raġel l-isptar Mater Dei għal aktar assistenza medika.
Il-kundizzjoni tiegħu għadha mhix magħruf filwaqt li l-investigazzjonijiet tal-Pulizija b’rabta mal-inċident għadhom għaddejjin.
Aktar dettalji fil-ħin li ġej.
