L-Ispeaker tal-Parlament Iranjan ikkonferma li għadhom għaddejin it-taħditiet mal-Istati Uniti biex jintlaħaq waqfien mill-ġlied fuq bażi permanenti. Għalkemm kollox qed jindika li deal finali għadu ‘l bogħod.
“Għadna ‘l bogħod minn diskussjonijiet finalizzati”, qal Mohammad Bagher Ghalibaf, li huwa wkoll wieħed min-negozjaturi tal-Iran.
Trump minn naħa tiegħu qed jinsisti li għaddejin “taħditiet tajbin ħafna” dwar is-sitwazzjoni fl-Iran.
Il-President Amerikan insista wkoll li mhux se jaċċetta theddid minn naħa tal-Iranjani.
Iżda anke minn Teheran waslet theddida oħra dwar ir-rotta ta’ Hormuz, li se tibqa’ magħluqa sakemm Trump ineħħu l-imblokk li imponiet l-armata tiegħu.
