Persuna kellha tittieħed l-isptar b’urġenza wara nar li ħakem garaxx fl-Imsida.
Il-każ seħħ fi Triq il-Kunċizzjoni, ftit wara d-9am.
Kelliem għall-Pulizija kkonferma li kien hemm persuna li ttieħdet l-isptar Mater Dei għall-assistenza medika.
Jidher li n-nar żviluppa minn xi appliances li kien hemm f’dan l-istess garaxx.
Il-każ qed jiġi investigat, filwaqt li membri tas-CPD assiguraw li n-nirien jiġu kontrollati.
