Il-Prim Ministru Iżraeljan, Benjamin Netanyahu, informa lill-pajjiż li jinsab ‘f’kundizzjoni fiżika eċċellenti’ wara l-pubblikazzjoni ta’ rapport mediku anwali li żvela li kien tneħħielu tumur mill-prostata.
Netanyahu qal li t-tobba kienu sabulu t-tumur wara li sarlu kirurġija ta’ rutina u meta t-tumur kien għadu fi stadju bikri.
Intant, il-Prim Ministru għadda mill-intervent meħtieġ u li, fi kliemu, aċċertalu fejqan sħiħ.
Netanyahu, li għandu 76 sena, kien talab apposta biex l-aħbar dwar l-istat ta’ saħħtu tinżamm lura għal xi ġranet u waqt l-eqqel tal-gwerra li pajjiżu u l-Istati Uniti qed jiġġieldu, bħalissa, mal-Iran.
Hu qal li dan sar apposta biex l-Iran ma jkunx f’pożizzjoni fejn ixerred il-propaganda falza u qarrieqa dwar Iżrael.
